ҮЛ ЭВДЭХ СОРИЛЫН ТӨВИЙН ТАНИЛЦУУЛГА
Тус төв нь МУТИС-ийн (хуучин нэрээр) ректорын 2000 оны 02 сарын 15 өдрийн 39 тоот тушаалаар гамма радиографийн сургалтын лабораторийн суурин дээр байгуулагдсан анхны 19 судалгааны төвийн нэг юм.
ҮНДСЭН ЗОРИЛГО
- Аж үйлдвэр техникийн материал, бүтээгдэхүүн, хийц, эд ангийг эвдэхгүйгээр чанарыг нь шалгаж үнэлгээ өгдөг ҮЭС-ын технологийн үндэсний мэргэжилтэнг олон улсын стандартын түвшинд бэлтгэх,
- Шинэ арга технологи багаж хэрэгсэл, олон улсын стандартыг үйлдвэрлэлд нэвтрүүлэх,
- Технологи дамжуулах судалгаа шинжилгээ хийх, докторын сургалт зохион байгуулах, нийгэмд мэргэжлийн үйлчилгээ үзүүлэх зорилготой.
Багаж хэрэгсэл
|
ҮЭС-н арга, хэрэглээ |
Багажийн нэр |
Ашиглалтын стандарт |
|
Үйлдвэрийн радиографийн шалгалт |
Site X225D рентген аппарат |
MNS ISO 5579 |
|
Хэт авианы сорил |
RDG-450 согог бүртгүүр |
MNS ISO 4857, MNS ISO 12710, |
|
Соронзон сорил |
TSCM-2FM |
MNS ISO 9934, MNS ASTM E 269 |
|
Металын ширээлтийн үл эвдэх сорил |
Дээрх бүх багаж ашиглагдана |
MNS ISO 17635, MNS ISO 17637, MNS ISO 17638, MNS ISO 17643, MNS ISO 24497, MNS ISO 1106, MNS ISO 5817 |
|
Бетоны ҮЭС |
TICO |
MNS ISO 1920-7 |
- Одоо үйлдвэрлэлд ашиглагдаж байгаа ҮЭС-ийн аргуудын чанарын шалгалтын хэрэглээний технологийн шаардлагыг хангах 30 гаруй олон улсын стандартыг үйлдвэрлэлд нэвтрүүлээд байна.
- Сүүлийн жилүүдэд шинэ “ISO 24497 – ҮЭС-ын металын соронзон санамжийн арга“ стандартыг үйлдвэрлэлд нэвтрүүлэх судалгааны ажил хийж байна.
Бороо Гоулд ХХК-ны захиалгаар металын соронзон санамжийн багажаар уул уурхайн экскаваторын арааг шалгаж металын цуцалтыг илрүүлсэн байна.
НИЙГЭМД ҮЗҮҮЛЭХ ҮЙЛЧИЛГЭЭ
1994 оноос олон улсын “ISO 9712: Үл эвдэх сорил-Ажилтны мэргэшүүлэлт ба баталгаажуулалт” стандартыг нэвтрүүлэх ажлыг ОУАЭА-ийн техникийн тусламж зөвөлгөөн дор тус төв ҮЭС-ын Монголын нийгэмлэгтэй хамтран хэрэгжүүлж ирсэн ба 2012 оны 6 сард ажилтны баталгаажуулалтын алба нь “MNS ISO/IEC 17024: Тохирлын үнэлгээ-Ажилтны баталгаажуулалтын байгууллагад тавих ерөнхий шаардлага“ стандартын дагуу итгэмжлэгдсэн байна. Ийнхүү ҮЭСМН нь улсдаа анхны ажилтны баталгаажуулалтын байгууллага болсон билээ.
ШУТИС-ийн хичээлийн 2-р байрны 2-2 тоот лаборатори
Шуудангийн хаяг: 46-р салбар, хайрцаг 943
Хөдөлгөөнт утас: 99192343
е-мэйл: btumen@must.edu.mn
